Waqt....

Suraj ke kirnon ki kadi dhoop se...
Uske jwala ke thamne ka...
Shaam ka aabhaas hai...
Ek mazdoor ko...
Us waqt ka ehsaas hai...

Saanson ke chand lamhe baaki...
Un lamhon mein kuch...
Aashayein bichaane ki khwaish hai....
Ek jaate hue musafir ko...
Us waqt ka ehsaas hai...

Choti kirkariyon ka achaanak sa aaghaz hai...
Kisike duniya mein aane ki lehar hai...
Umangon ki mehalon ka bandhna hai...
Ek maa ko...
Us waqt ka ehsaas hai....

Duniya mein kuch kar guzarne ka andaaz hai..
Itihaas ke pannon par amar hone ki kashish hai...
Pairon mein bandha hua tez raftaar hai...
Ek khiladi ko...
Us waqt ka ehsaas hai....

Uske baahon mein simte rehne se
Poori duniya rangeen hai...
Usi ke baahon ke panaah se chootne par...
Ek meetha sa dard hai....
Ek premi ko...
Us waqt ka ehsaas hai...